Kif tara rapport web
Tistaʼ tfittex rapporti web dwar effetti sekondarji ssuspettati (magħrufin ukoll bħala reazzjonijiet avversi għal mediċina) għal mediċina jew sustanzi attivi billi tuża l-għodda ta' bbrawżjar A-Z.
Ir-rapporti web kollha għandhom l-istess format, elementi taʼ data u funzjonalitajiet. Iċ-ċifra li tidher online hija dejjem it-total attwali taʼ każijiet serji/mhux serja spontanji rrapportati sal-aħħar tal-ġimgħa preċedenti. Iċ-ċifri jiġu aġġornati online kull nhar taʼ Tnejn.
L-informazzjoni mogħtija fir-rapporti web hija bbażata fuq każijiet individwali li jissodisfaw il-kriterji deskritti fil-paġna web tas-sors tad-data.
Kull rapport web huwa magħmul minn 7 tabs
Tab 1 - Numru ta' każijiet individwali |
- Din it-tab tipprovdi t-total ta' każijiet individwali attwali identifikati f'EudraVigilance sal-aħħar tal-ġimgħa preċedenti. Din tippreżenta informazzjoni dwar in-numru ta' każijiet individwali skont il-grupp ta' età, is-sess u l-oriġini ġeografika
|
Tab 2 - Numru ta' każijiet individwali |
- Din it-tab turi n-numru taʼ każijiet individwali tul l-aħħar 12-il xahar skont l-oriġini ġeografika.
- Tidher ukoll linja taʼ xejriet biex jiġi indikat in-numru totali taʼ każijiet individwali.
|
Tab 3 - Numru ta' każijiet individwali minn pajjiżi taż-żEE |
- Din it-tab turi n-numru ta' każijiet individwali skont il-pajjiżi taż-żEE,
- Il-mappa turi d-distribuzzjoni tal-frekwenza relattiva tan-numru totali taʼ każijiet individwali fʼkull pajjiż. Il-graff turi n-numru totali taʼ każijiet individwali fʼkull pajjiż.
|
Tab 4 - Numru ta' każijiet individwali skont il-gruppi ta' reazzjoni |
- Din it-tab turi n-numru taʼ każijiet individwali skont il-gruppi taʼ reazzjoni.
- Il-gruppi taʼ reazzjoni huma bbażati fuq klassifikazzjoni tal-effett sekondarju (magħruf ukoll bħala reazzjoni avversa għal mediċina), permezz tad-dizzjunarju taʼ termini tal-MedDRA. Huma disponibbli erbaʼ dehriet li jippreżentaw in-numru taʼ każijiet individwali skont il-gruppi ta' reazzjoni: skont il-grupp taʼ età, is-sess, il-gravità, il-grupp taʼ min jagħmel rapport u l-oriġini ġeografika.
|
Tab 5 - Numru taʼ każijiet individwali għal grupp ta' reazzjoni magħżul |
- Din it-tab turi n-numru taʼ każijiet individwali għal grupp taʼ reazzjoni magħżul.
- Il-gruppi taʼ reazzjoni huma bbażati fuq klassifikazzjoni tal-effett sekondarju (magħruf ukoll bħala reazzjoni avversa għal mediċina), permezz tad-dizzjunarju taʼ termini tal-MedDRA. Huma disponibbli tliet rapporti għal grupp taʼ reazzjoni magħżul: l-ewwel rapport jippreżenta d-data skont il-grupp taʼ età u s-sess, it-tieni skont il-grupp taʼ min jagħmel rapport u t-tielet skont l-oriġini ġeografika.
|
Tab 6 - Numru taʼ każijiet individwali għal reazzjoni magħżula |
- Din it-tab turi n-numru taʼ każijiet individwali għal reazzjoni magħżula, iddefiniti mill-utent.
- Ir-reazzjoni tikkorrispondi għar-reazzjoni ssuspettata li ġiet irrapportata minn min jagħmel rapport; għalhekk, din it-tab tipprovdi l-livell taʼ informazzjoni l-iktar iddettaljat.
- Ir-reazzjoni hija bbażata fuq id-dizzjunarju ta' termini tal-MedDRA għall-effetti sekondarji (magħrufin ukoll bħala reazzjonijiet avversi għal mediċina).
- Huma disponibbli tliet rapporti għal reazzjoni magħżula: l-ewwel rapport jippreżenta d-data skont il-grupp taʼ età u s-sess, it-tieni skont il-grupp taʼ min jagħmel rapport u t-tielet skont ir-riżultat.
|
Tab 7 – Elenku Dettaljat |
- Din it-tab turi l-elenku dettaljat taʼ każijiet individwali abbażi tal-għażla taʼ kondizzjonijiet taʼ ffiltrar.
|
Aktar informazzjoni
Importanti
It-total attwali taʼ każijiet individwali disponibbli fit-Tab 1 huwa l-valur li għandu jintuża biex jiġi kkwantifikat in-numru totali taʼ każijiet individwali li ġew irrapportati lill-EudraVigilance għal mediċina jew sustanza attiva magħżula.
L-informazzjoni disponibbli fit-Tab 3, Tab 4, Tab 5 u Tab 6 tikkunsidra l-effett(i) sekondarju/sekondarji ssuspettat(i) irrapportat/rrapportati fʼkaż individwali; peress li każ individwali jistaʼ jirreferi għal aktar minn effett sekondarju ssuspettat wieħed, l-informazzjoni ma tirrappreżentaX in-numru totali taʼ każijiet individwali li ġew irrapportati lill-EudraVigilance, iżda n-numru taʼ effetti sekondarji relatati.
L-informazzjoni disponibbli fit-Tab 2 u t-Tab 7 tipprovdi n-numru taʼ każijiet individwali rrapportati tul perjodu taʼ żmien.
