Kif tara rapport web

Tista’ tfittex rapporti fuq il-web dwar avvenimenti avversi suspettati relatati ma’ prodott mediċinali veterinarju bl-isem tiegħu jew bis-sustanza attiva tiegħu.

Ir-rapporti kollha fuq il-web għandhom l-istess tfassil, elementi ta’ data u funzjonalitajiet. Iċ-ċifra murija online hija dejjem total attwali ta’ każijiet spontanji serji/mhux serji rrappurtati. Iċ-ċifri jiġu aġġornati kull ġimgħa.

L-għadd ta’ każijiet skont l-ispeċi	Dan ir-rapport juri informazzjoni dwar l-għadd ta’ rapporti ta’ eventi avversi u annimali affettwati relatati mal-prodott jew is-sustanza rilevanti, ikklassifikati skont l-ispeċi.
L-għadd ta’ każijiet skont ir-razza	Dan ir-rapport juri informazzjoni dwar l-għadd ta’ rapporti ta’ eventi avversi u annimali affettwati relatati mal-prodott jew is-sustanza attiva rilevanti, ikklassifikati skont ir-razza.
L-għadd ta’ każijiet u annimali affettwati mill-pajjiż taż-ŻEE	Dan ir-rapport juri informazzjoni dwar l-għadd ta’ rapporti ta’ eventi avversi u l-għadd ta’ annimali affettwati relatati mal-prodott jew is-sustanza attiva rilevanti, ikklassifikati skont il-pajjiż.
L-għadd ta’ każijiet għal pajjiż magħżul	Dan ir-rapport juri informazzjoni dwar l-għadd ta’ rapporti ta’ eventi avversi relatati mal-prodott jew is-sustanza attiva rilevanti, ikklassifikati skont il-pajjiż u l-ispeċi.
L-għadd ta’ każijiet matul iż-żmien skont l-oriġini ġeografika	Dan ir-rapport juri informazzjoni dwar l-għadd u t-twaqqit tar-rapporti ta’ eventi avversi riċevuti fl-aħħar 12‑il xahar, relatati mal-prodott jew mas-sustanza attiva rilevanti, ikklassifikati skont l-ispeċi.
L-għadd ta’ każijiet skont il-grupp ta’ reazzjoni	Dan ir-rapport juri informazzjoni dwar l-għadd ta’ rapporti ta’ eventi avversi relatati mal-prodott jew mas-sustanza attiva rilevanti, u juri l-informazzjoni kklassifikata mill-gruppi ta’ reazzjoni fil-livell tal-Klassifikazzjoni għal Sistemi u Organi mil- lista ta’ termini kliniċi VeDDRA u skont l-ispeċi. Il-gruppi ta’ reazzjoni huma kategoriji standardizzati ta’ eventi avversi ta’ livell għoli fil-livell tal-klassifikazzjoni għal sistemi u organi (SOC) fid-Dizzjunarju Veterinarju għal Attivitajiet Regolatorji tal-Mediċini (VeDDRA).
L-inċidenza skont il-grupp ta’ reazzjoni	Dan ir-rapport juri l-frekwenza tar-rappurtar murija fil-livell tal-klassifikazzjoni għal sistemi u organi mil- lista ta’ termini kliniċi VeDDRA. Il-gruppi ta’ reazzjoni huma kategoriji standardizzati ta’ eventi avversi ta’ livell għoli fil-livell tal-klassifikazzjoni għal sistemi u organi (SOC) fid-Dizzjunarju Veterinarju għal Attivitajiet Regolatorji tal-Mediċini (VeDDRA).
L-għadd ta’ każijiet għal reazzjoni magħżula	Dan ir-rapport juri informazzjoni dwar l-għadd ta’ rapporti ta’ eventi avversi relatati mal-prodott jew is-sustanza rilevanti kklassifikati skont ir-reazzjoni.
Elenkar iddettaljat	Dan ir-rapport juri lista dettaljata ta’ rapporti ta’ eventi avversi individwali għal prodott jew sustanza speċifikata.